Full view of a note about event related to functions/offices/roles

Note fragment 1 , Page/tab number in the source: 98

CXLVIII. Sbigneus (de Oleśnica) Episcopus Cracoviensis erectionem altaris tituli S. Iacobi maioris, Simonis et Indae Apostolorum in ecclesia cathedrali Cracoviensi cum adiuncta Professura in Collegio minori Artistarum Universitatis studii Cracoviensis, per Iacobum de Zaborow Decretorum Doctorem, Canonicum Cracoviensem dotati, approbat.
Cracoviae, Anno 1448, die 7 mensis Octobris.

Note fragment 2 , Page/tab number in the source: 98

In nomine Domini Amen. Ad perpetuam rei memoriam. Ineffabilis divinae altitudo providentiae, nullis inclusa limitibus, recti censura iudicii disposuit, ut humanae fragilitatis conditio sibi quaerat artificio remedium, in quo vigor fabricae naturalis summi deficit opificis voluntate: unde et pia fidelium opera et ea, quae (pro) animarum salute et divinae laudis ordinantur augmento, tanto propensius et gratius literarum et testium annotatione roborantur, ut quantum fas est, possint perpetuitatem obtinere. Proinde nos Sbigneus Dei et Apostolicae Sedis providentia Episcopus Cracoviensis significamus tenore (praesentium) universis praesentibus et futuris: quomodo venerabilis Magister Iacobus de Zaborow Decretorum Doctor, Canonicus Cracoviensis, zelo devotionis cupiens pro terrennis mereri coelestia et transitoria commutare pro aeternis, suae et suorum progenitorum saluti salubriter consulere, nostram accedens praesentiam et conspectum, nobis humiliter supplicavit et devote: quatinus in ecclesia nostra cathedrali Cracoviensi altare ad honorem Omnipotentis Dei sub titulo Sanctorum Apostolorum et Evangelistarum Iacobi maioris, Simonis et Iudae Apostolorum, Lucae et Marci Evangelistarum, Sigismundi martyris, Egidii confessoris ac Agathae et Apolloniae virginum et martyrum, ad eius sufficientem dotationem videlicet certae partis haereditatis in Schydzyna, quam apud magnificum dominum Petrum Schaffranyecz de Pyesskowa skala Succamerarium Cracoviensem pro certa summa pecuniarum et equo, cum omni iure et dominio et proprietate emit et comparavit, certos census ex huiusmodi haereditate provenientes deputando, erigere et fundare, privilegium quoque huiusmodi, quod huiusmodi emptionem dictae partis haereditatis in Schydzyna continet, et quod in evidentiam praefatae dotationis ipse Magister Iacobus nobis

Note fragment 3 , Page/tab number in the source: 99

obtulit, ratificare et confirmare, adiectis nonnullis oneribus per altaristam pro tempore existentem ferendis et implendis, dignaremur. Cuius quidem tenor privilegii sequitur et est talis:

Note fragment 4 , Page/tab number in the source: 99

„Nos Barthossius de Gori Iudex et Petrus de Sczykowycze Subiudex terrae Cracoviensis generales notum facimus quibus expedit universis, praesentibus et fu,,turis, praesentium notitiam habituris : quomodo in Iudicio terrestri Cracoviensi nostro coram certis Camerariis iudicialibus nostris constitutus personaliter magnificus dominus Petrus Schaffranyecz de Pyesskowa skala Succamerarius Cracoviensis, sanus mente et corpore existens, non compulsus neque coactus, sed de bona eius voluntate totam partem suae haereditatis in Schydzyna cum omni iure et toto do„minio, utilitatibus, fructibus, proventibus, incolis, censibus, reditibus, areis, domibus, tabernis, molendinis, agris, campis, pratis, pascuis, planitiebus, aquis, fluviis, „rivis, piscinis, piscariis, borris, silvis, gaiis, mericis, rubetis, apisteriis seu mellificiis, universisque pertinentiis, obventionibus, dependentiis et cohaerentiis, quibuscunque dicantur nominibus, velut eadem pars haereditatis in suis metis et limitibus longe, late et circumferentialiter est distincta et limitata, nihil pro ipso domino Petro Schaffranyecz Succamerario et eius successoribus legitimis ibidem iuris seu „proprietatis penitus reservando, prout solus hactenus habuit et tenuit, pro ducentis quinquaginta marcis communis pecuniae monetae Cracoviensis numeri Polonicalis consueti et pro equo in valore triginta marcarum, venerabili domino Iacobo de Zaborow Decretorum Doctori, Canonico Cracoviensi in totum vendidit et in perpetuum iudicialiter resignavit, tenendum, habendum, utifruendum, possidendum, vendendum, donandum, commutandum et in usus suos beneplacitos libere convertendum, pro„mittens ipsum dominum Iacobum Doctorem occasione praemissorum ab omnibus impedimentis et damnis quarumlibet personarum utriusque sexus, secundum ad quamlibet personam pertinet praescriptio, iuxta consuetudinem terrestrem Cracoviensem ubilibet intercedere et eliberare. Et specialiter ipse dominus Petrus Succamerarius promisit eundem dominum Iacobum Doctorem a censibus fratrum monachorum ad Sanctam Catherinam in Kazimiria et a servitute regali eliberare. Etiam praefatus dominus Petrus Succamerarius debet eandem partem haereditatis graniciis limitare suis propriis impensis secundum consuetudinem terrestrem Cracoviensem. Etiam ipse praedictus dominus Petrus in praedictam partem haereditatis dedit et de praesenti dat intromissionem sibi domino Iacobo Doctori. In cuius rei testimonium sigilla nostra praesentibus sunt appensa. Actum et datum Cracoviae, feria secunda proxima post Dominicam Invocavit, Anno Domini Millesimo Quadringentesimo quadragesimo quinto. Praesentibus testibus nobilibus Czadrone de Przibislauicze, Spith„kone de Czaiouice, Iohanne de Wolya, Iohanne de Wanczslauice, Przybkone de Poramba, Marco de Mnynoga haeredibus, aliisque pluribus fide dignis.“

Note fragment 5 , Page/tab number in the source: 99

Nos igitur Sbigneus Episcopus memoratus praecipuam curam de hominum salute et augmento laudis divinae gerentes, et ut ea, quae in praesenti manus devota in pias effudit eleemosynas, fructu centuplicato valeat percipere in futuro, litera huiusmodi privilegii recepta et diligenter auscultata, altare huiusmodi in praefata nostra ecclesia cathedrali Cracoviensi, petitionibus huiusmodi praefati Magistri Iacobi Canonici tanquam iustis benigniter inclinati, volentes caeteros ad similia devotionis et pietatis opera exercenda invitare, ad laudem et honorem Omnipotentis Dei ac Sane-

Note fragment 6 , Page/tab number in the source: 100

torum Apostolorum et Evangelistarum Iacobi maioris, Simonis et Iudae Apostolorum, Lucae et Marci Evangelistarum, Sigismundi martyris, Egidii confessoris ac Agatliae et Apolloniae virginum et martyrum, quod ipse Magister Iacobus sufficienter dotavit, erigimus, fundamus et creamus et ratione huiusmodi dotationis omnibus altaris eiusdem altaristis pro tempore existentibus sub debito obedientiae et poena excommunicationis districte praecipientes, mandamus, quatinus duas missas, unam de Beata Virgine et alteram pro defunctis, in quolibet anno singulis septimanis agendo in eis pro dotatore, collatoribusque et patronis dignam memoriam, legant et peragant, aut per alios compleant. Volumus insuper, statuimus et ordinamus, quatinus Magistri de Collegio Artistarum ius patronatus et praesentandi altaris praefati, vocatione eius occurrente et expressa voluntate praefati Magistri Iacobi Canonici dotatoris, habeant, quos praesentibus decernimus eiusdem altaris esse veros, unicos et legitimos collatores et patronos, ita tamen quod ipsi Magistri de Collegio Artistarum praedicto unum ex Magistris idoneum et sufficientem nominabunt et capitulo praesentabunt per loci ordinarium de eodem altari instituendum. Item decernimus, quod ipse altarista altaris praefati in Collegio minori Artistarum locum et ascensum ad alias Collegiaturas, si tamen sufficiens, idoneus et utilis Universitati compertus fuerit, habeat et ad unum actum in quacumque facultate in dicto Collegio per singulas commutationes explendum per se vel per alium sit astrictus. Privilegium quoque donationem et dotationem huiusmodi continens, ac singulas conditiones et onera per Magistrum Iacobum Canonicum expressas et expressa, de certa nostra scientia, auctoritatis nostrae ordinariae interposito decreto, in nomine Domini ratificamus, approbamus et ad robur perpetuae firmitatis confirmamus, ecclesiasticae libertati eadem bona, medietatem villae Schydzyna subiicientes. In cuius rei testimonium praesentes confirmationis, ratificationis et transumpti literas per Notarium nostrum publicum infrascriptum scribi et publicari, nostrique sigilli appensione iussimus communiri. Actum et datum Cracoviae, septima mensis Octobris, Anno Domini M° CCCC0 XLVIII0, Indictione undecima, Pontificatus sanctissimi in Christo patris et domini nostri domini Nicolai divina providentia Papae quinti anno secundo, hora Vesperarum vel quasi. Praesentibus venerabilibus et honorabilibus dominis Iacobo de Senno Praeposito, Iohanne Dlugoss Custode Visliciensi, Canonicis Cracoviensibus, Daniele in Thuchow et Bartholomeo Byskupek in Pyelczyska plebanis et aliis multis ad praemissa.

Note fragment 7 , Page/tab number in the source: 100

(L. S. n.) Et ego Albertus Iacobi de Nova Civitate clericus Posnaniensis diocesis, publicus imperiali auctoritate Notarius et facti huiusmodi coram reverendissimo in Christo patre domino Sbigneo Dei gratia Episcopo Cracoviensi scriba, quia praedictarum literarum exhibitioni, praesentationi, earumque transumptionis petitioni, ratificationi et confirmationi ac ipsarum receptioni et appositionis decreto, aliisque omnibus et singulis praemissis, dum sic agerentur et fierent, una cum praenominatis testibus praesens interfui, eaque omnia et singula praemissa sic fieri vidi et audivi, dictasque literas fideliter de verbo ad verbum transumpsi et accopiavi, nihil mutando, minuendo aut addendo, quod sensum mutaret aut variaret intellectum: ideo praesentes ratificationis et confirmationis literas manu propria scriptas exinde confeci, publicavi et in hanc formam publicam redegi, signoque et nomine in talibus fieri solitis meis una

Note fragment 8 , Page/tab number in the source: 101

cum appensione sigilli praelibati domini Sbignei Episcopi Cracoviensis et de eius mandato speciali consignavi in fidem et testimonium omnium et singulorum praemissorum.

Comment to note fragment:
(Ex copia in libro manuscripto: „Liber privilegiorum, Magistrorum et Collegiatorum minoris domus Artistarum" saec. XVI. exarato. — Nr. Archiv. Univ. 76, pag. 10.)