Pełny podgląd zapiski o zdarzeniu dotyczącym pełnionych funkcji/urzędów/ról

Fragment zapiski 1 , Numer strony/karty w źródle: 65

105. Anno domini millesimo quadringentesimo nonagesimo primo, die Saturni XXIV augusti, in rectoratu venerabilis ac egregii viri magistri Iohannis de Pylcza, sacre theologie professoris, decani sancti Floriani in Cleparz, facta convocacione Universitatis doctorum et magistrorum duntaxat salariatorum, sub hoc tenore: Venerabilis domine doctor et magister reverende. Sitis hodie hora decima nona in stuba communi domus Collegii maioris artistarum ad auscultandum intencionem honorabilis domini Nicolai de Coprzywnycza, presens tractatam, super seniore domus Longini et concludendum finaliter super eadem et ad consulendum super aliis Universitatis negotiis proponendis, ut de edificiis et de ordinacionibus, sub pena non contradicendi et sicut diligitis bonum Universitatis. Detur omnibus doctoribus et magistris duntaxat salariatis. Cuius quidem intencionis tenor sequitur et est talis.

Fragment zapiski 2 , Numer strony/karty w źródle: 65

Intencio domini Nicolai pro fundacione collegiature pro seniore in bursa canonistarum super censu sedecim marcarum, qui census est in institis sutorum Cracoviensium, quod prefatus dominus Nicolaus animo deliberato predictum censum cum collacione altaris, ut est expressum in priori ordinacione Universitatis, vult incorporare pro prefata collegiatura totaliter et cum effectu et irrevocabiliter tenebit{{1}}. Que ordinacio iam per eundem dominum Nicolaum in domum maioris Collegii artistarum est data et per facultatem, in speciali convocacione super hoc facta, suscepta et approbata, quod altare omnibus suis impensis eriget, constituet, etiam omnia necessaria ad dictum altare pertinencia comparabit. Qui senior habebit ascensum de ista collegiatura tanquam iunior ad alias omnes collegiaturas iuris canonici, hoc tantum addito, quod sibi duodecim marcas predictus dominus Nicolaus fundator vult reservare ad tempora vite sue aut quamdiu sibi placuerit in vita, quia vellet in predictam ordinacionem totaliter, interim quo vivit, ad finem suum propositum deducere, residuas vero quatuor marcas pro seniore

Komentarz do fragmentu zapiski:
{{1}} Ta nowa kolegjatura prawnicza dla senjora bursy kanonistów i związana z nią altarja pod wezwaniem św. Jana ante portam Latinam w katedrze krakowskiej, powstała właściwie z zapisu Jakóba Szadka, profesora i doktora dekretów. Mikołaj z Koprzywnicy był tylko, jako egzekutor testamentu Szadka, wykonawcą jego woli (//Cod. dipl.// III nr 291).

Fragment zapiski 3 , Numer strony/karty w źródle: 66

predicte collegiature iam convertet et erit obligatus solvere. Qui senior unum actum in septimana in bursa, in Collegio vero canonistarum lectionem in quarto decretalium illis diebus, quibus in novis iuribus legitur et quolibet die temporibus vacacionum, exceptis diebus festis, sicut post festum Nativitatis Domini usque ad festum Epiphaniarum, post dominicam Conductus Pasce{{1}} usque ad festum sancti Ieorgii{{2}} et eciam post festum sancti Michaelis{{3}} usque ad festum sancti Galli{{4}} tenebitur et erit astrictus facere; temporibus tantum vacacionum propter lectiones, quas continue faciet in Collegio canonistarum, non obligabitur ad actus in bursa disputandos. Post mortem vero memorati domini Nicolai totum censum sedecim marcarum prefate burse senior accipiet. Ad maiores tantum labores erit astrictus, videlicet ad duos actus in septimana disputandos in predicta bursa etc., ut clare expressum est in erectionis confirmacionisque privilegio, in domo maioris Collegii artistarum reposito. Ista ergo ordinacione et fundacione sic posita et ab Universitate sic suscepta et approbata, prefatus dominus Nicolaus petit humiliter, ut intuitu Dei magister Nicolaus de Coprzywnycza, baccalarius sacrorum canonum{{5}}, in dictam collegiaturam prius eligatur et habeat ascensum prima vacanti, ut et ceteri post eum seniores habebunt. Post cuiusquidem intencionis auscultacionem, congregacione et inductione facta, an placeret procedere ad premissa, respondentibus singulis per »placet« et tandem consultacionibus super intencione predicta [factis], sex omni voto presencium et absencium, nullo mittente aliquam contradictionem notam, conclusum est, ut voluntas domini Nicolai suprascripta execucioni demandetur, ita quod magister Nicolaus de Coprzywnycza instituatur in seniorem domus Longini sine preiudicio domini doctoris Andree de Gorra et habeat quatuor marcas singulis annis ex domino Nicolao fundatore et communiter alii seniores eiusdem Collegii legittime instituti, et post cessionem domini Nicolai fundatoris de altari incorporato sive per liberam resignacionem vel per decessum ipse magister Nicolaus et quilibet successor per electionem in eandem senioraturam institutus tollet sedecim marcas, quia quatuor marce, quas antea cessionem tollebat et duodecim, quas honorabilis dominus Nicolaus predicti altaris dotator pro se ad vitam vel ad suam voluntatem reservavit tollendas. Et faciet senior sic institutus lectiones et actus, ut in intencionis litteris continetur sitque de numero collegiatorum et promotus in doctorem, iuxta morem aliorum collegiatorum habeat ius optandi seu iuxta electio-

Komentarz do fragmentu zapiski:
{{a}} ante tollere //rkps.//
{{1}} Niedziela przewodnia, pierwsza po Wielkanocy.
{{2}} 23 IV.
{{3}} 29 IX.
{{4}} 16 X.
{{5}} Bratanek jego, późniejszy doktor dekretów.

Fragment zapiski 4 , Numer strony/karty w źródle: 67

nem solitam eligi in alciorem collegiaturam seu alia officia lecturarum in iure canonico.