Full view of a note about event related to functions/offices/roles

Note fragment 1 , Page/tab number in the source: 92

145. Anno Domini 1498, Martis XX februarii, testes infrascripti adducti per magistrum Albertum de Pnyewy, canonicum ad sanctum Florianum in Cleparz, contra quandam inscripcionem de anno domini 149quinto, tempore rectoratu domini doctoris Valentini{{3}}, canonici Cracoviensis, inscriptam{{4}}, tali modo, quo sequitur, deposuerunt.

Comment to note fragment:
{{3}} Walentego z Ilkusza.
{{4}} Por. wyżej zap. nr 141.

Note fragment 2 , Page/tab number in the source: 93

Valentinus de Ilkusch, arcium et decretorum doctor, canonicus Cracoviensis, interrogatus medio iuramento de certa inscripcione in librum Conclusionum, ut dicitur per ipsum introductam, dixit eandem inscripcionem de licencia in Urbem magistro Alberto de Pnyewy per ipsum dominum Valentinum tunc rectorem et Universitatem datam, ipsi Alberto

Note fragment 3 , Page/tab number in the source: 93

per dictam Universitatem non fuisse approbatam nec auscultatam eandemque coram dicta Universitate. Quocirca et subiungens eciam eandem de consensu suo non fuisse in dictum librum Conclusionum introductam.

Note fragment 4 , Page/tab number in the source: 93

Iohannes de Skawina, decretorum doctor, interrogatus medio iuramento de verbis, que fuere quondam data cum{{a}} licencia magistro Alberto de Pnyewy; ista fuerunt verba dicta ex voto suo: magister Albertus habeat licenciam annuam visitandi limina beatorum Petri et Pauli et quod non accipiat promocionem sine preiudicio aliorum magistrorum. Eadem verba doctor Valentinus rector, dans licenciam, dixit, que testis deposuit.
Michael de Bystrzykow, arcium magister, collegiatus maioris Collegii artistarum, quesitus medio iuramento, quesitus que verba fuerunt penes accepcionem licencie magistri Alberti, dixit, quod ista ex voto suo fuere: magister Albertus habeat licenciam visitandi limina beatorum Petri et Pauli, solum quod non accipiat promocionem sine preiudicio aliorum magistrorum. Eadem verba doctor Valentinus post votorum accepcionem dixit: habeat magister Albertus licenciam ad limina Petri et Pauli, solum non accipiat promocionem in preiudicium aliorum.
Nicolaus de Coprzywnycza, arcium et decretorum doctor, quesitus eciam medio iuramento, quesitus de verbis penes dictam accepcionem licencie magistri Alberti de Pnyewy, dixit, se votasse habeat licenciam magister Albertus de Pnyewy versus curiam ad visitandum limina sanctorum Petri et Pauli apostolorum. Dominus doctor Valentinus pro tunc rector dixit et dedit licenciam magistro Alberto: habetis licenciam ad limina beatorum Petri et Pauli et non accipietis promocionem cum preiudicio aliorum magistrorum.
Anno et die, quo supra, auscultata et descripta per me Thomam Stanislai de Curow, sacra apostolica et imperiali auctoritate notarium publicum et concordat[ur] de verbo ad verbum ad deposicionem dictorum testium suprascriptorum.

Comment to note fragment:
{{a}} est //rkps.//