Blick im Eintrag über Funktionen/Ämter/Beschäftigungen

Eintragsabschnitt 1 , Seite/Karte in der Quelle: 258

Anno Domini millesimo quingentesimo quinquagesimo secundo, mense ianuario, exorta fuit controversia inter venerabilem

Eintragsabschnitt 2 , Seite/Karte in der Quelle: 259

magistrum Albertum Vendrogowski, seniorem contubernii Ierusalem ab una et quosdam studentes eiusdem contubernii partibus ab altera, occasione portionis ad seniorem pertinentis. Cuius controversie processus et conclusio in hunc inferius sequitur modum. Quidam studentes predicti contubernii portiones crudas carnium seniorem ex antiqua consuetudine concernentes eidem denegabant volebantque, ut cum eis una comedat, quod si vero noluerit, contendebant, ut unam portionem tantum eamque coctam alicui inhabitantium equivalentem de coquina capiat, huius vero causam allegabant statutum antiquum domus, anno domini 1498 editum, quod habetur sub titulo «De seniore» {{1}}. Adferebant insuper alias causas, sed nulla preter supradictam validior et probabilior apparuit. Senior vero protunc existens, intelligens conspirationem et pertinaciam studiosorum antiquam consuetudinem in dandis portionibus infringentium, totum rei negotium ad provisorem domus tanquam legitimum ac immediatum iudicem, nempe venerabilem dominum doctorem Iacobum a Cleparz, canonicum Cracoviensem, devolvit, coram quo contra infringentes veterem consuetudinem (que est optima legum interpres, statuto antiquo nunquam in vigore existenti, quod illi allegabant, derogabat), debito ordine proposuit et ad omnes causas, quas coram provisore proponebant, ita, ut decuit, respondit, quinimo circa antiquam consuetudinem se relinqui peciit et iudicari contendit. Auditis itaque ambarum partium hinc- inde proposicionibus et responsionibus prefatus dominus provisor noluit precipitanter in eo negotio procedere, immo diligenter de consuetudine, que fuerat ante observata in dandis portionibus seniori presenti et eius antecessoribus scrutatus est cum eos, qui officium senioratus quondam gerebant, requirendo, tum illos, qui in contubernio aliquando manserunt, interrogando, sed omnes, quicumque fuerunt requisiti, testati sunt seniorem predicti contubernii ex antiqua consuetudine debere habere duas portiones crudas vel unam bonam, etiam crudam, duabus equivalentem. Proinde dominus provisor huiusmodi testimonio audito consuetudini inherendum decrevit, nec licere alicui, ut eidem reluctetur. Porro studentes non contenti decreto provisoris recurrerunt ad dominum rectorem pro tempore existentem, venerabilem virum Ioannem a Sanok, artium et iuris pontificii doctorem, prepositum sancti Nicolai extra muros Cracovienses. Hic habita deliberacione cum suis consiliariis et decanis om-

Bemerkungen zum Eintragsabschnitt:
{{1}} Brzmiał on: «Senior propter domus honestatem ad mensam comedere non dedignetur, excepto, quod negotio communitatis fuerit impeditus. Si autem comedere cum eis nollet ex aliqua legitima causa praeter supradictam, sedeat cum eis tempore refectionis, ut ordinem faciat inter studentes et portionem de coquina capiat se concernentem. Legumina etiam sub mensura consueta sibi ad locum privatum sumat». (Karbowiak, Ustawy bursy Jeruzalem, str. 121).

Eintragsabschnitt 3 , Seite/Karte in der Quelle: 260

nium facultatum confirmavit sentenciam provisoris. Ipsi vero in sua pertinacia et errore perseverantes noluerunt huic decreto parere. Tandem memoratus dominus rector totam Universitatem convocandam curavit, premisso tenore convocationis more solito, partes denique utrasque adesse convocationi mandavit, ut eo modo utraque pars sentenciam suam declararet, quod et factum fuit. Auscultatis igitur ambabus, ita ut par fuit, partibus, dominus rector ex omnium doctorum et magistrorum unanimi suffragiorum collectione et statuti antiqui interpretacione in eadem publica convocatione sano ac recto iudicio decrevit, perpetuis temporibus duraturis id observandum firmiter statuit et tenendum conclusit, ut seniori predicti contubernii presenti et eius successoribus pro tempore existentibus, iuxta antiquam consuetudinem diuque observatam ratione laborum et onerum, que fert in predicto contubernio, dentur omnino due portiones crude carnium, altera potior ac praestantior omnibus, altera modico inferior, vel una bona etiam cruda, duabus equivalens, quantitate nihilominus duorum inhabitantium portionibus respondens aut respondentes. Adiunxit preterea dominus rector cum tota Universitate penam exclusionis in tales, qui huic decreto contravenire ausi fuerint. Ne autem de cetero alique turbe aut dissensiones occasione huiusmodi portionis oriantur in illa domo, propterea presentem actum decreti ad sua acta presentia mihi notario publico infrascripto inseri et ingrossari mandavit. Presentibus dominis. Alberto Schamotuli, Nicolao {{1}}, bedellis celebris Universitatis et aliis quam pluribus fidedignis testibus adhibitis et vocatis et me Iacobo Gwiasdowski, presentis actus scriba {{2}}.

Bemerkungen zum Eintragsabschnitt:
{{1}} Mikołaj z Borkowic, zwany Samson.
{{2}} Drukowane w Karbowiaka Ustawach bursy Jer., str. 131—132.