Blick im Eintrag über Funktionen/Ämter/Beschäftigungen

Eintragsabschnitt 1 , Seite/Karte in der Quelle: 3

In nomine Domini amen. Per hoc praesens publicum instrumentum cunctis pateat evidenter et sit notum, quod anno a Nativitate Domini millesimo quingentesimo octogesimo, indictione octava, pontificatus sanctissimi domini nostri Gregorii, divina providentia papae XIII, anno ipsius nono, die vero Jovis 14 Martii, hora XVII horologii integri, in cellario sub domo lapidea wlgo Bursa Philosophorumb dicta, in platea |-Wistulae-| Columbarumc sita. In praesentia venerabilium magistrorum Adami Wrzesnensis, Valentini Fontani, Blasii Golinensis Collegii Minoris collegarum, a magistro domino Universitatis rectore ad hunc actum deputatorum, et mei notarii publici atque testium infrascriptim praesentia, constituta personaliter honesta Anna, inquilina cellarii sub domo Universitatis Bursa Philosophorum dicta, licet aegra corpore, sana tamen mente et rationis bonae compos, non compulsa nec coacta, sed sponte et libere animoque bene deliberato, suo amicorumque salubri consilio usa, omnibus melioribus modo, iure, forma, via, stylo et consuetudine, quibus melius et efficacius potuit et de iure debuit potesta et debet fecit et condidit testamentum deu voluntatem suam testamentariam confessa est modo et ordine talis. In primis, animam suam peccatricem divinae misericordiae commendavit, corpori autem suo sepulturam elegit circa ecclesiam sanctae Annae Cracoviae; executorem vero huius testamenti sui et ultimae voluntatis nominavit [et] constituit neminem alium, quam Simonem Albimontanum, bedellum Universitatis Cracoviensis, alumnum suum, et in orphanitate sua diligentissimum curatorem. Bona autem temporalia ex Dei benignitate concessa, omnia et singula, in pecunia, si quae invenietur, et in tota supellectili domestica, vestibus, lectisterniis et reliquis quibuscunque nominibus appelantur, nullis exceptis neque exclusis legat, dat, donat eidem Simoni Albimontano, Universitati Cracoviensis bedello, ad recompensam magnorum ipsius laborum et sumptum non mediocrium secundum ipsius facultatem, quae praestitit et fecit in senili ipsius aetate et diuturna infirmitate. Consanguineos omnes affines, amicos sexus utriusque ab istis omnibus et singulis bonis suis proprio et gravissimo labore partis abalienando. Insuper praefato Simoni, testamenti ipsius executori, dat, donat, legat omnia et singula debita, quae ubicvis locorum et apud quasvis personas utriusque sexus retenta habet. Quae absque quovis impedimento consanguineorum, affinium utriusque sexus libere exiget et cum legalis in usum suum beneplacitum convertet, et anima ipsius non obliviscetur per orationes et eleaemosinas pro possibilitate et facultate sua. Super quibus omnibus et singulis praemissis praefata testatrix petiit sibi a me notario publico, unum vel plura publicum vel publica instrumentum seu instrumenta confici et confecta extradi, prout extradidi. Acta sunt haec Cracoviae, anno, indictione, die, mente, hora, loco, quibus supra. Praesentibus venerabilibus et discretis Martino Slyachczinski, collega Minoris Collegii, Martino Pilznensi, seniore Bursae Philosophorum, artium magistris, Christophoro |-Piasseczki-| Phaleczki, Marco Pyaseczki, artium baccalariis, Joanne Laskowski, Petro Wolski, Jacobo Charssnicza studiosis Universitatis Cracoviensis, testibus ad praemissa vocatis et rogatis.