Blick im Eintrag über Bildung/Akademichen Graden

Eintragsabschnitt 1 , Seite/Karte in der Quelle: 1

CCCXIV. Ioannes (Konarski) Episcopus Cracoviensis testamentum ultimae voluntatis Martini de Cracovia (dicti Lysy) S. Theol. Professoris, Decani ecclesiae collegiatae S. Floriani, approbat.
Cracoviae, Anno 1507, die 27 mensis Aprilis.

Eintragsabschnitt 2 , Seite/Karte in der Quelle: 1

In nomine Domini Amen. Quoniam omnia, quae aguntur sub tempore, facile oblivionis trahunt periculum, nisi fuerint stili artificio atque testium annotatione perhennata; proinde nos Ioannes Dei gratia Episcopus Cracoviensis, significamus tenore praesentium quibus expedit universis et singulis praesentibus et futuris, notitiam praesentium habituris: quomodo venerabiles videlicet et honorabiles domini Michael Parisiensis, Stanislaus Byel de Nova Civitate, Stanislaus de Brudzow Clerica Castri Cracoviensis et Stanislaus Skawynka Praepositus Sanctae Heduigis, Collegiati Maioris Collegii Artistarum, Sacrae Theologiae Professores ac executores testamenti venerabilis et egregii domini olim Martini de Cracovia Sacrae Theologiae Professoris, Decani Sancti Floriani in Cleparzs et Collegiati Maioris Collegii Studii Artistarum, exhibito coram nobis certo testamento praefati olim venerabilis Martini de Cracovia etc., manu et signo legalis Ioannis Nicolai de Colomya, clerici Leopoliensis diocesis, publici apostolica auctoritate Notarii subscripto et consignato, nobis debita cum instantia supplicarunt, quatenus huiusmodi testamentum in suis punctis, clausulis et conditionibus universis admittere, ratificare et confirmare auctoritate nostra ordinaria dignaremur. Nos vero formam in talibus solitam observare cupientes, nostras citationis literas in vim Cridae contra sua interesse putantes ante omnia decrevimus praemittendas. Cuius quidem testamenti supradicti tenor sequitur in haec verba et est talis:

Eintragsabschnitt 3 , Seite/Karte in der Quelle: 1

„In nomine Domini, Amen. Per hoc praesens publicum Instrumentum cunctis evidenter pateat et sit notum: quod Anno a Nativitate Domini Millesimo Quingentesimo septimo, Indictione decima, die vero Mercurii, tertia mensis Martii, Pontificatus sanctissimi in Christo patris et domini nostri, domini Iulii divina providentia Papae secundi anno ipsius quarto, in meique Notarii publici et testium infrascriptorum, ad hoc vocatorum et rogatorum, praesentia constitutus personaliter venerabilis ac egregius dominus Magister Martinus de Cracovia Sacrae Theologiae

Eintragsabschnitt 4 , Seite/Karte in der Quelle: 2

Professor, Decanus Sancti Floriani ecclesiae collegiatae in Cleparzs, diocesis Cracoviensis, Collegiatus Maioris Collegii Artistarum Cracoviensis, aeger corpore, compos tamen mentis et rationis, advertens, quod immensa Dei bonitas, ut magis bonum effunderet et populorum deperditorum ordinem recuperaret, creavit hominem ad similitudinem suam, non subiturum morborum angustias et pericula dictae mortis, sed gratiae suae participem et aeternae vitae futurum haeredem; deinde tam en superveniente hostis antiqui suggestione, nequissima mors indicta est homini, quae in posteros est postmodum declinata: propter quod hominem vigilem esse, ut cum venerit illa dies, quam et eius horam scire non possumus, eum non inveniatur dormientem, sed iam suae salutis animae per dispositionem bonorum temporalium providisse, maxime cum dies nostri brevissimi sunt et sicut umbra praeterierunt. Quapropter pia mente et animo plene deliberato, ac bono intellectu illius sententiae reminiscens: Memento homo, quia cinis es et in cinerem reverteris, nemoque conditionis humanae, quam semper mutatur humana fragilitas, cui ab ipsius vitae principio mortis imperium dominatur; volensque cum ratio regit mentem et viget in sui corporis membris quies, de suis temporalibus disponere bonis, saluti animae suae providere, et rebus et bonis sibi a domino Deo collatis salubriter ordinare: omnibus melioribus modo, via, iure, causa et forma, quibus melius et efficatius potuit et debuit, fecit et ordinavit suum praesens nuncupatum testamentum, seu suam ultimam voluntatem inter caetera in hunc qui sequitur modum. Imprimis quidem, quoniam anima melior et pretiosior est corpore et rebus humanis, de aeterna Regis misericordia plene confidens, quod cor contritum et humiliatum non despiciet, animam suam exnunc omnipotenti Deo et beatae Mariae Virgini ac omnibus Sanctis Curiae spiritualis commendavit, et si eum de infirmitate, qua de praesenti laborat, decedere contingat et de hac luce migrare, corpori suo elegit sepulturam in ecclesia collegiata Sancti Floriani in Cleparzs, ubi secundum suum honestum modum voluit sepeliri. Item res et debita in regestro certo manu sua conscripta et mihi Notario publico infrascripto in manus tradita, et inferius de verbo ad verbum ingrossata, in habitatione sua et apud personas diversas habita, demonstravit. Cuius regestri tenor de verbo ad verbum sequitur et est talis. Item primum debita mea ista sunt: Magnificus dominus Nicolaus de Camyenyecz Palatinus Sandomiriensis tenetur mihi decem marcas, quas dominus plebanus nomine Ioannes nunc in Lanky, cum Pudelko Advocato receperunt et recognitionem sub signo domini praedicti Palatini dederunt. Item Baccalarius de Coszmyn plebanus in Rogi tenetur undecim marcas ratione arendae ecclesiae parochialis in Croszna. Item dominus Voyschik tenetur mihi quatuor marcas et unam sexagenam, sibi in mutuum datas, et pro canapis Capitulo dabit duas marcas. Item Wlodzislawsky tenetur quadraginta florenos ratione debiti sui patris, quas se in Actis domini Officialis generalis Cracoviensis de Anno Domini Millesimo quingentesimo secundo, die vigesima prima Februarii (?). Item dominus Nicolaus Dobschiczsky alias Marschalkowicz decem marcas. Item venerabilis ac egregius Magister Ioannes de Osswyaczim Canonicus Cracoviensis etc. tenetur viginti septem marcas et quatuordecim florenos. Item idem tenetur duodecim florenos, quos a me recepit, cum debuit versus Lithuaniam ad Regem equitare, sex in auro et sex in pecuniis. Item dominus Sthadnyczsky tenetur marcam. Item Doctor Bernhardus de Biskupye et Magister Leonardus de Dobschycze Vitreator centum florenos in auro

Eintragsabschnitt 5 , Seite/Karte in der Quelle: 3

debiti mutui tenentur. Item Doctor Nicolaus Pilcza centum cum quatuor florenis in auro boni ponderis, mutui, in quibus argentum interposuit et impignoravit. Item in paratis pecuniis ducentos florenos et triginta in auro, in magno sacco, viginti marcae latorum grossorum cum media altera in vesica. Item quinque marcae cum media sexagena in antiquis medientibus. Item in latis ternariis duae marcae. Item de novis tres marcae et tres grossi. Item quindecim coclearia argentea, unum ex eis fractum. Item picarius deauratus in valore triginta florenorum. Item alius albus ad modum Synagogae Rutenalis, in valore quindecim florenorum. Item parvus picarius a Doctore Stanschow in valore duorum cum medio florenorum. Item duae Bibliae magnae de impressa. Item Evangelia cum glossa Hugonis, in magno modo. Item Aquilia super quatuor libros Sententiarum de impressa. Item Biblia cum glossis in quatuor voluminibus. Item secunda pars Seeundae, a Doctore Cobylyno mihi data. Item Summarium cum conclusionibus. Item Compendium Thomae theologicae veritatis, in albis asseribus. Item Thomas de Argentina super primos duos libros Sententiarum. Item Pisenella in medio modo, in asseribus rubeis. Item Sermones beati Bernardini. Item Gorra super Epistolas beati Pauli. Item Quartus Decretalium. Item Biblia abbreviata, in parvo modo. Item Scriptum Sancti Thomae. Item prima pars Secundae partis scripta. Item Liber de Sacramentis, in rubeis asseribus. Item Summulae confessionum, in parvo modo. Item Summarium super Sextum Decretalium cum conclusionibus. Item Casus longi super Sextum Decretalium. Item Liber mortalitatum elegantissimus. Item Decretales scriptae in papiro. Item Tabula per totam Summam venerabilis domini Anthonii. Item Sermones novi thesauri de tempore. Item Inventarium eorum, qui in operibus Gersonis continentur. Item tertia pars Gersonis. Item Sermones Hugonis de tempore super Evangelia et Epistolas. Item liber beati Ambrosii. Item secunda pars Gersonis. Item Cameracensis liber Astrologiae. Item Viola Sanctorum. Item liber beati Augustini de civitate Dei. Item Summa Astaxiani, in magno modo. Item Comportata super omnia opera Sancti Thomae et concordantiae Theologiae et luris canonici. Item Margarita practica domini Stanislai Brudzow. Item Blancus de motibus planetarum. Item Summa casuum, quae Baptismiana nuncupatur. Item Conciliator Magistri Alberti de Brudzow. Item tertia pars Alexandri de Ales. Item Metamorphoseos. Item Quaestiones super Summarium Cameracensis. Item liber de devolutione causarum in Urbem. Item liber Algoth super libros sapientiales. Item liber qui dicitur Ars inveniendi thesauros. Item Sermones Iacobi de Voragine, Stanislai de Brudzow. Item Postilla super Evangelium beati Ioannis. Item Ambrosius super Epistolas Pauli. Item liber secundi scripti beati Thomae. Item prima pars, secunda et tertia Cronicae Anthonii. Casus brevis super totum Corpus iuris civilis. Item faceciae Podvigoy (Poggii?) Florentini. Item Sermones de tempore, in medio modo. Item liber defensionum Theologiae beati Thomae in Tertio Sententiarum. Item Sermones super distinctiones. Item Sermones super Epistolas dominicales. Item prima pars parvorum opusculorum beati Boneventurae. Item Pomorius super Clementinis cum casibus brevibus. Item Speculum considerationis. Item Sermones Magistri Leonardi. Item Longini liber in perga„meno. Item Quadragesimale Grist. Item Sextus Decretalium cum Clementinis. Item partes Dictionarii. Item Quadragesimale Roberti. Item super Tertium Sententiarum Petrus de Tharantasio. Item prima pars beati Thomae. Item Sermones

Eintragsabschnitt 6 , Seite/Karte in der Quelle: 4

beati Bernardini. Item Sermones Doctoris Pauli de Zathor. Item tres lodices novi et duo communes, quibus utor in domo et in viis. Item tria pallia, unum novi coloris de panno Brudensi, aliud brunaticum. Item duo nigra, unum novum et aliud iam attritum. Item nigra tunica nova et alia coloris brunatici. Item Suba subducta vulpibus ventrinis. Item alia tunica flavei coloris de panno axi. Item caputium rubeum florentinum. Item aliud novi coloris etc. Item pecunias Capituli Universitatis domus Artistarum Studii Cracoviensis, in Trzoss demonstravit, et Capitulo seu Decano eiusdem Capituli restituere et dare commisit. Item etiam pecunias Bursae Ierusalem, in vesica in caminata demonstravit et restituere cui debentur mandavit. Item apud arendarium ecclesiae parochialis in Croszna, diocesis Premisliensis, sexaginta marcas ratione arendae fructuum et proventuum eiusdem ecclesiae retentas et solvi neglectas, demonstravit et exigendum commisit. Item pecora et pecudes ac equos tam in plebanatu Crosnensi et alibi existentes, arbitrio executorum dispensandum commisit, videlicet quatuor equos, quinque vaccas et duos boves in Croszna. Item apud Ioannem Magistrum Trathkop plebanum in Krzenczin tres marcas et quatuor florenos in auro in mutuum datos, demonstravit et exigere commisit. Item apud Capitulum Universitatis Studii et domus praefatae septuaginta marcas demonstravit, in quibus dictum Capitulum dixit sibi teneri et obligari ratione expositorum pro aedificiis et aliis necessariis in ipsorum bonis factis et expositis, post factam rationem cum dicto Capitulo debitis, exigereque eosdem commisit. Quo regestro superius ingrossato de manu propria testatoris loco Codicilli, debita et alias res in se continente, mihi Notario publico infrascripto tradito, dixit se alium regestrum de manu sua super aliis debitis scriptum, quem hic pro inserto habere voluit, coram me Notario publico et testibus infrascriptis, alia debita, ut supra, videlicet apud arendarium in Crosna et alias personas superius descriptas, demonstrando. Imprimis libros omnes pro libraria domus seu Collegii Artistarum Studii Cracoviensis, et picarium magnum argenteum deauratum pro eadem domo seu Collegio Artistarum legavit et dare commisit. Item executoribus suis infrascriptis, pro fatiga et maiori diligentia executionis testamenti sui seu ultimae voluntatis, equos suos proprios etiam et lodices, et per unum coclear argenteum legavit et recipere commisit. Item tunicam griseam Stanislao suo consanguineo legavit, et alias res eidem dandum arbitrio executorum reservavit. Item ducentos florenos in auro et triginta de paratis, et centum et quatuor in auro florenis domino Doctori Pylcza, et alios centum florenos similiter in auro dominis Bernardo de Biskupye et Magistro Leonardo de Dopschicze alias Vitreatori successive in mutuum datos et concessos, et alia debita superius apud personas diversas specificata et demonstrata, pro erigendo et fundando sine aliqua mora, altari in ecclesia Sancti Floriani legavit. Cuius qui„dem altaris sic erecti iuspatronatus et praesentandi ad idem altare personam idoneam aut de emeritis Magistris, executoribus suis tamdiu, quamdiu vixerint, seu aliquis eorum vixerit, reservavit et eisdem dedit, donavit et testamentaliter concessit; ipsis executoribus defunctis, Collegio seu Capitulo domus Artistarum Studii Cracoviensis idem iuspatronatus et praesentandi personam idoneam vel Ma„gistrum de emeritis, Lociordinario Cracoviensi, dedit et testamentaliter idem testa„tor donavit perpetuo et in aevum, onera altaris huiusmodi imponendi domino Loci ordinario Cracoviensi reservavit. Item residuum argentum, praeter legata, pro

Eintragsabschnitt 7 , Seite/Karte in der Quelle: 5

calice et aliis necessariis ad altare praefatum construendis, perpetuo legavit, et huiusmodi calicem comparare commisit et mandavit de praefato argento in picariis et cocleariis contento; et si executoribus videbitur esse parum, cum appositione aliquarum pecuniarum de ciebitis, voluntatem ipsius testatoris adimplere sub aggravatione conscientiae ipsorum executorum rogavit et mandavit. Item censum annuum, quem pro summa octuaginta florenorum et ultra in ponte Przedborz emerat, Capitulo ecclesiae Sancti Floriani pro anniversario dedit, donavit et testamentaliter legavit. Item censum pro summa ducentorum florenorum apud carnifices Cracovienses ex commissione seu testamento olim venerabilis Ioannis Brudzow emptum, honorabili domino Stanislao Clericae altaris Sancti Bartholomaei sub organo Castri Cracoviensis, percipiendum et utifruendum ac in usus suos convertendum, summamque praefatam ducentorum florenorum providendum, duntaxat ad vitam ipsius domini Stanislai Clericae, commisit, dedit et testamentaliter legavit; post mortem vero praefati Stanislai de Brudzow Clericae eandem summam ducentorum florenorum providendum commisit, et censum annuum ex eadem provenientem pro Clericatura altaris eiusdem perpetuo incorporavit, dedit et donavit tali conditione, ut ipsi executores cum consensu Episcopi Cracoviensis onus Clericae imponant pro huiusmodi censu, post mortem domini Stanislai de Brudzow praefati. Item censum annuum, qui comparari debet pro pecuniis et florenorum summis, ut praemissum est, apud debitores in parte demonstratis, sacristiano Sancti Floriani duntaxat ad eius vitam percipiendum et in usus suos convertendum dedit et donavit, nihilominus ad legendum unam Missam qualibet septimana eundem obligavit; post mortem sacristiani, altare seu censum, ut superius descriptum est, pro aliquo emerito Magistro vel aliae personae idoneae executoribus suis convertere seu dare commisit. Ut autem praemissa omnia et singula executioni debitae demandentur, suumque debitum sortiantur effectum, huiusmodi testamenti sive ultimae voluntatis praenominatus testator executores et procuratores omnibus melioribus modo, via, iure, causa et forma, quibus melius potuit et debuit, constituit, creavit et solenniter deputavit suos veros, certos, legitimos ac indubitatos executores et procuratores, actores, factores, negotiorumque suorum gestores ac nuntios speciales et generales, generi per speciem non derogando, nec e contra, ita tamen, quod non sit melior conditio primitus occupantis, nec deterior subsequentis, omnes in solidum praesentes et onus huiusmodi executionis in se sponte suscipientes, venerabiles videlicet et honorabilem dominos Michaelem Parisiensem, Stanislaum Byel de Nova Civitate, Stanislaum de Brudzow Clericam [recte: clericum] Castri Cracoviensis et Stanislaum Skawinka Praepositum Sanctae Heduigis, Collegiatos Maioris Collegii, Sacrae Theologiae Professores. Quibus executoribus et eorum cuilibet in solidum idem testator dedit et dat plenam et liberam potestatem, licentiam et auctoritatem, ac plenum posse et mandatum, omnia et singula in praesenti publico Instrumento contenta, ac testamentum suum et ultimam voluntatem, cuiuscunque conditionis et praeeminentiae existant, exequendi etc.; caeteraque omnia et singula in praesenti publico Instrumento contenta, ac debita et obligata, a quibuscunque debitoribus, cuiuscunque status, ordinis et praeeminentiae existant, vigore huiusmodi Instrumenti testamenti petendi, exigendi, recipiendi, levandi et extorquendi, de receptis et levatis finem, quittantiam et pactum de ulterius rem habitam non petendo, verbo vel in scriptis faciendi; nec non legata

Eintragsabschnitt 8 , Seite/Karte in der Quelle: 6

praedicta personis et locis praefatis dandi et persolvendi, et si necesse fuerit, unum vel plures procuratorem seu procuratores loco sui, cum simili aut limitata potestate substituendi, eum vel eos revocandi, totiens quotiens opus et visum fuerit expedire, praesenti procuratorio nihilominus in suo robore duraturo; et generaliter alia et singula faciendi, dicendi, gerendi et exercendi, quae in praemissis et circa ea necessaria fuerint seu quomodolibet opportuna, et quae ipsemet dominus testator faceret, diceret, gereret et exerceret, si praemissis omnibus et personaliter interesset. Promittens idem dominus testator omnia et singula, rata, grata atque firma perpetuo habiturum totum id et quicquid per dictos executores et procuratores acta, dicta, gesta et procurata fuerint in praemissis seu aliquo praemissorum; relevans nihilominus et relevare volens dictos suos executores et procuratores sub (h)ipoteca et obligatione omnium et singulorum bonorum suorum mobilium et immobilium, praesentium et futurorum, ac sub omni iuris et facti renuntiatione ad haec necessaria, pariter et cautela ab omni onere satisdandi, iu„dicioque sisti et iudicatum solvi. Hanc siquidem dictus testator asseruit esse ultimam voluntatem suam et ultimum testamentum, quam et quod valere voluit et tenere iure testamenti, et si iure testamenti non valeret ratione obmissionis, praeteritionis vel alterius cuiuscunque solennitatis, voluit et vult ipsam suam voluntatem valere iure Codicillorum seu donationis causa mortis aut inter vivos, et tanquam iure ultimae voluntatis, quo melius valere poterit et tenere; cassans, irritans et annullans idem testator omne aliud testamentum ac aliam quamcunque voluntatem ultimam, per eum hactenus quocunque seu quibuscunque verbis, etiam derogatoriis, factum et factam. De et super quibus omnibus et singulis praemissis praefatus dominus testator petiit sibi a me Notario publico hoc praesens publicum Instrumentum et Instrumenta publica fieri et confici. Acta sunt haec Cracoviae, Anno, Indictione, die, mense et Pontificatu quibus supra, Praesentibus tunc dominis Magistris Alberto de Pyothrkow, Martino de Ilkusch et Martino de Tharnowyecz Collegiatis Maioris Collegii, Stanislao de Vysznya et Ioanne de Frysthath, testibus circa praemissa vocatis specialiter atque rogatis."

Eintragsabschnitt 9 , Seite/Karte in der Quelle: 6

Subscriptio vero Notarii in praeinserto testamenti Instrumento contenta sequitur et est talis:

Eintragsabschnitt 10 , Seite/Karte in der Quelle: 6

„Et ego Ioannes Nicolai de Colomya, clericus Leopoliensis diocesis, publicus apostolica auctoritate Notarius, quia praedictis omnibus et singulis praemissis, dum sic ut praemittitur, fierent et agerentur, una cum praenominatis testibus praesens interfui, eaque omnia et singula praemissa sic fieri vidi et audivi, ac in notam sumpsi, ex qua hoc praesens publicum Instrumentum manu mea propria fideliter ingrossatum confeci et subscripsi et in hanc publicam formam redegi, signoque et nomine meis solitis et consuetis communivi et consignavi, in fidem et testimonium omnium et singulorum praemissorum rogatus et requisitus."

Eintragsabschnitt 11 , Seite/Karte in der Quelle: 6

Post cuius quidem testamenti praeinserti exhibitionem, tandem in termino dictae citationis sive literarum infrascripto, comparentes in iudicio coram nobis supra- nominati domini executores dicti testamenti, reproductis huiusmodi citationis sive Cridae literis, ut apparuit legitime executis, citatorumque earum vigore non comparentium contumacia accusata, petiverunt eosdem citatos non comparentes contumaces reputari, dictumque testamentum in suis punctis, contentis et clausulis universis admitti, ratificari et confirmari. Nos igitur dictis citatis, ultra horam solitam diutius expectatis, non comparentibus, eos ut merito erant, pronuntiavimus contumaces

Eintragsabschnitt 12 , Seite/Karte in der Quelle: 7

et in eorum contumaciam praetactum testamentum, utpote legitimum ac officiosum per nos repertum, memoratis dominis executoribus debita cum instantia instantibus et petentibus, decrevimus admittendum, confirmandum et ratificandum, admittimusque, confirmamus et ratificamus, auctoritatem nostram ordinariam pariter et decretum ac robur perpetuae firmitatis eidem interponendo. Quae omnia et singula praemissa vobis omnibus et singulis, quibus interest, intererit seu quomodolibet interesse poterit in futurum, intimamus, insinuamus, notificamus, ac ad vestram et cuiuslibet vestrum notitiam deducimus et deduci volumus per praesentes. In quorum omnium et singulorum fidem et testimonium praemissorum, praesentes nostras literas sive praesens publicum Instrumentum, confirmationem huiusmodi in se continentes sive continens, exinde fieri et per Notarium publicum, nostrumque et actorum coram nobis scribam infrascriptum scribi, subscribi, sigillique nostri iussimus et fecimus appensione communiri. Acta sunt haec Cracoviae in curia nostra episcopali, Anno Domini Millesimo Quingentesimo septimo, Indictione decima, Pontificatus sanctissimi in Christo patris et domini nostri, domini Iulii divina providentia Papae secundi anno ipsius quarto, die vero Iovis, vicesima secunda mensis Aprilis. Praesentibus ibidem venerabilibus et honorabilibus viris dominis Bernardo Gallo Custode, Thoma Rosznowsky, Iacobo de Erczyesschow Cracoviensibus, Felice Sirchowski Sandomiriensi Canonicis, Gallo Praeposito Rathiboriensi et Wladario Cracoviensi, Ioanne Cunasch de Cracovia Decretorum Doctore, Auditore causarum, Martino de Szdbyky, Ioanne Iastrzambsky et Augustino Baruchowsky, Notariis curiae nostrae, testibus ad praemissa.

Eintragsabschnitt 13 , Seite/Karte in der Quelle: 7

(L. S. n.) Et ego Stanislaus Baltasaris de Sandomiria, clericus Cracoviensis diocesis, publicus sacra apostolica auctoritate Notarius, et coram memorato reverendissimo in Christo patre et domino, domino Ioanne Dei gratia Episcopo Cracoviensi, facti praesentis scriba, quia praedictis testamenti exhibitioni, recognitioni, confirmationis petitioni et praesentium literarum decreto, aliisque omnibus et praemissis, dum sic ut praemittitur, agerentur et sic fierent, una cum praenominatis testibus praesens interfui, eaque omnia et singula praemissa sic fieri vidi et audivi: ideo praesens publicum confirmationis Instrumentum manu propria scriptum, exinde confeci et in hanc publicam formam redegi, signo et nomine mei solitis et consuetis, una cum appensione sigilli memorati reverendissimi domini Episcopi Cracoviensis et de mandato suae Paternitatis reverendissimae speciali consignando, rogatus et requisitus in fidem et testimonium omnium et singulorum praemissorum.

Bemerkungen zum Eintragsabschnitt:
(Ex archetypo membranaceo, cum sigillo cereo rubro, taeniola membranacea appenso. Sigilum eiusdem typi ac sub Nr. CCCXI. — Nr. Archiv. Univ. 9569.)