Blick im Eintrag über Bildung/Akademichen Graden

Eintragsabschnitt 1 , Seite/Karte in der Quelle: 190

CCXCIV. Fridericus Princeps Poloniae, electus et confirmatus Episcopus Cracoviensis, erectionem et dotationem altaris tituli S. Donati in ecclesia parochiali Cracoviensi S. Annae, cum adiuncto officio Professoris in facultate philosophica Universitatis studii Cracoviensis, per executores testamenti Mathiae de Kobylino S. Theologiae Professoris fundati, approbat.
Cracoviae, Anno 1492, die 20 mensis Septembris,

Eintragsabschnitt 2 , Seite/Karte in der Quelle: 190

In nomine Domini Amen. Ad rei memoriam sempiternam, Fredericus Dei et Apostolicae Sedis gratia electus confirmatus ecclesiae Cracoviensis, sollicitudine

Eintragsabschnitt 3 , Seite/Karte in der Quelle: 191

pastoralis officii, qua nos superna visitavit clementia, permoti, dum singula humeris nostris imposita frequenti meditatione revolvimus, ad ea potissime mentis nostrae convertimus intuitum, per quae animas fidelium Iesu Christi sanguine redemptas et mercatas lucrifacere valeamus. Libet profecto nobis pia vota supplicantium nostris confirmare praesidiis, ut pro his quae seminaverunt in terris, perhennem gloriam inter Sanctorum mansiones et cum electis Dei consequi mereantur in coelis. Proinde significamus tenore praesentium quibus expedit universis praesentibus et futuris, praesentium notitiam habituris: quomodo pridem exhibitis nobis pro parte venerabilium et honorabilis Valentini de Ilkusch Decretorum, Canonici Cracoviensis, Andreae de Labischin Sacrae Theologiae et Decretorum Doctorum, Custodis, et Iohannis de Thulcze sacristani ecclesiae collegiatae Sancti Floriani in Clyeparz, executorum testamenti venerabilis olim Magistri Mathiae de Cobilino Sacrae Theologiae Professoris et eiusdem ordinarii lectoris, tenoris infrascripti literis novi altaris sub organo in ecclesia parochiali Sanctae Annae in Cracovia, ad laudem et gloriam omnipotentis Dei, eiusque Genitricis intemeratae ac Sanctorum Mathiae, Floriani, Fabiani, Sebestiani, Cosmae, Damiani, Decem millia Martyrum, Valentini, Dorotheae, Omniumque Sanctorum specialiter sub titulo et vocabulo uno videlicet Sancti Donati erigendi, ac in et super quatuordecem marcis communis pecuniae census annui apud olim divae memoriae serenissimum Principem et dominum, dominum Kazimirum Poloniae Regem inclitum super macellis sutorum et ipsis sutoribus Cracoviensibus pro Quingentis florenis Hungaricalibus, sub spe et titulo reemptionis, de bonis dicti testamenti empti et comparati, ac ab eisdem sutoribus pro singulis Quatuortemporibus anni iuxta privilegii infrascripti venditionis censuum huiusmodi continentiam, seu alias a Procuratore Cracoviensi generali aut ipsius vicesgerente exigendis et levandis, denuo fundandi, rogati fuimus et debita cum instantia petiti per honorabilem Magistrum Mathiam de Cobilino dictorum executorum ad ipsum altare fundandum praesentatum, quatenus altare huiusmodi Sancti Donati novum ad dotationem supradictam erigere et denuo creare, ipsosque census quamdiu reempti non fuerint, dicto altari et suo altaristae pro tempore existenti incorporare et annectere, inviscerare ac ecclesiasticae iurisdictioni, libertati et immunitati ascribere, ius quoque patronatus et praesentandi reservare, literas insuper infrascriptas dotationis et censuum emptionis confirmare, ratificare et approbare, praefatum denique Magistrum Mathiam de Cobilino ad altare huiusmodi novae fundationis instituere et investire adiectis oneribus dignaremur. Tenor literarum fundationis sequitur et est talis:

Eintragsabschnitt 4 , Seite/Karte in der Quelle: 191

„In nomine Domini Amen. Ad perpetuam rei memoriam. Quoniam hic civitatem manentem non habemus “ etc. Vide Nr. CCXCIII.

Eintragsabschnitt 5 , Seite/Karte in der Quelle: 191

Deinde tenor literarum emptionis census sequitur et est talis:

Eintragsabschnitt 6 , Seite/Karte in der Quelle: 191

„In nomine Domini Amen. Et cum dispositiones et actiones hominum plerumque oblivio erroris vitio confundere consuevit: Regum et Principum salubres constituerunt sanctiones, illas literarum scripturis, sigillorum munimentis et testium amminiculo esse firmandas. Ad perpetuam igitur memoriam, nos Kazimirus Dei gratia Rex Poloniae, nec non terrarum Cracoviae, Sandomiriae, Siradiae, Lanciciae, Cuyaviae, Magnus Dux Lithuaniae, Russiae, Prussiae ac Culmensis, Elbingensis et Pomeraniae dominus et haeres, significamus tenore praesentium quibus expedit universis praesentibus et futuris, harum notitiam habituris: quomodo

Eintragsabschnitt 7 , Seite/Karte in der Quelle: 192

exigente nostra et Regni nostri non mediocri necessitate et indigentia, pro conservanda que re publica, census annuos quatuordecim marcarum monetae et numeri Polonicalium, marcam in quamlibet computando quadraginta et octo grossos, in et super macellis seu bancis sutorum in Cracovia et eorum universis obventionibus, inter alios census pro fisco et thesauro nostro regio singulis annis per Seniores magistros artis sutoriae, ipsorumque communitatem dari solitos et consuetos, pro Quingentis florenis Hungaricalibus puri auri, boni, veri et iusti ponderis, per nos pro praedicta nostra et Regni nostri opportunitate et relevatione in parata pecunia et auro effectualiter receptis et levatis a venerabili ac egregio Magistro Mathia de Cobilino Sacrae Theologiae Professore, ecclesiae collegiatae Sancti Floriani Decano, non improvide aut per errorem, sed de certa nostra scientia et voluntate, Praelatorumque et Baronum ac Consiliariorum nostrorum nobiscum protunc existentium consilio speciali, deliberatione, approbatione et consensu ad id accedente, venditione et titulo reemptionis alias Na widerkow vulgariter nuncupatis, vendidimus et resignavimus, vendimus et resignamus, ac sibi plenam et omnimodam facultatem in eisdem censibus quatuordecim marcarum altare in aliqua ecclesiarum, aut Collegiaturam cuiuscunque facultatis in Universitate Cracoviensis studii fundandi, dotandi et obtinendi, aut aliquibus ecclesiis vel piis locis coniunctim vel divisim, in toto vel in parte donandi et assignandi, prout sibi melius expedire videbitur, damus et concedimus, tenore praesentium mediante, perpetualiter et in aevum per ipsum et suos successores tenendum, habendum, percipiendum, ac pro suo arbitrio et voluntate convertendum. Quos quidem census quatuordecim marcarum Seniores sive magistri sutorum, totaque ipsorum communitas pro tempore existens et caeteri in futurum exnunc et deinceps perpetuis temporibus singulis videlicet pro quibuslibet Quatuortemporibus per tres marcas cum media in moneta currenti et consueta Regni nostri, incipiendo solutionem a Quatuortemporibus Cinerum proxime futuris et continuando usque ad debitam et totalem eorundem censuum reemptionem, praefato venerabili Mathiae de Cobilino ac personis quibuslibet spiritualibus, quibus ipsos census ad gloriam et honorem Altissimi, pro laudisque divinae incremento, duxerit donandos aut in alia pietatis opera coniunctim vel divisim, in toto vel in parte, applicandos et adiungendos, ad requisitionem praesentium dabunt et assignabunt realiterque et cum effectu persolvent, omni dilatione, difficultateque et renitentia nostra, nostrorumque successorum, sive Procuratoris generalis nostri aut ipsius Viceprocuratoris, cui eundem censum praedicti Seniores, totaque communitas sutorum in Cracovia dare pro designatis temporibus solet, penitus cessante, ad pecuniarum nostrarum regalium rationem, receptis recognitionibns per memoratos Seniores sutorum, ipsorumque communitatem a praefato Martino de Cobilino aut successoribus suis, per ipsum Matinam ad id, ut praemissum est, constituendis, solutionem ipsi Mathiae Doctori factam designantibus, pro ratione nobis cum praefatis Procuratore aut Viceprocuratore sive Senioribus magistris sutoribus fienda, ponendis, quibus stare volumus aesi munimine sigilli nostri regalis essent roboratae et sigillatae. Quos quidem census quatuordecim marcarum annuos ab omni onere, tributo generali vel particulari, nec non contributione quacunque libertavimus et praesentibus libertamus, et nihilominus ipsos census quamdiu per nos et successores nostros reempti non fuerint, ecclesiastico subicimus et volumus potiri privilegio, libertate et immunitate.

Eintragsabschnitt 8 , Seite/Karte in der Quelle: 193

Casu vero quo in solutione eorundem censuum xiiij marcarum in toto vel in parte praefati Procuratores sive Viceprocuratores aut Seniores magistri sutorum et ipsorum tota communitas fuerint remissi et negligentes, omnibus censuris ecclesiasticis usque ad sententiam interdicti inclusive, per loci ordinarium aut eius vicesgerentem in eos, monitione duntaxat infra sex dierum spatium personaliter vel in facie ecclesiarum parochialium ad Sanctam Mariam et Omnes Sanctos in Cracovia praemittenda, sine quavis concitatione ferendis et promulgendis, quibus ipsos Procuratorem sive ipsius Viceprocuratorem ac Seniores, totamque communitatem sutorum, alias qui in praemissis fuerint culpabiles, pro tempore existentes et alios in futurum subiectos esse volumus et subicimus, ad solutionem et satisfactionem debitam compellant et astringant, quavis exceptione iuris vel facti et contraria ordinatione, statuto et laudo in contrarium facientibus non obstante quibuscunque, quibus exnunc prout extunc et extunc prout exnunc derogamus et eas obtentas et obtinendas suis viribus carere volumus, nonnisi solutione et satisfactione habita relaxandi et absolvendi. Et insuper praefatos Procuratorem, Viceprocuratorem ac Seniores sutores, eorumque communitatem pro tempore existentes, a solutione dictarum xiiij marcarum census annui, sicut praemissum est, per nos venditi, interim quo reempti non fuerint, nobis et successoribus nostris facienda, dimittimus et absolvimus ac quittatos et absolutos esse volumus per praesentes, ita tamen, quod dum et quando dictum censum quatuordecim marcarum redimere et reemere voluerimus, ipsum Mathiam de Cobilino aut cui donationem censuum praedictorum fecerit, sex mensibus ante de ipsa reemptione avisare debemus; quo facto licebit nobis et successoribus nostris praelibatum censum pro simili et integra summa Quingentorum florenorum Hungaricalium auri boni et iusti ponderis, quos ab eo similiter recepimus, et non aliter, pro uno semel in manus memorati Mathiae et successorum suorum, quibus donationem fecerit, Cracoviae reponenda et persolvenda, dum et quando voluerimus et placuerit redimere et reemere; quodque ipse Mathias de Cobilino aut successores ipsius debebit et debebunt subici periculis quomodocunque obvenientibus, iuxta naturam et contractum reemptionis alias ad arbitrium boni viri taxandis, secundumque eiusdem census quantitatem et valorem, quem nos ipsum et successores ipsius occasione censuum praedictorum in verbo nostro regio indemnem reddere praesentibus promittimus et pollicemur. Harum quibus sigillum nostrum est appensum testimonio literarum. Actum in Conventione Cracoviensi generali, in vigilia Sancti Iohannis Baptistae, Anno Domini Millesimo Quadringentesimo nonagesimo. Praesentibus ibidem reverendissimis et reverendis in Christo patribus dominis Sbigneo ecclesiae Gneznensis Archiepiscopo et Primate, Frederico ecclesiae Cracoviensis electo et confirmato, Petro Wladislaviensi, Uriele Poznaniensi, Iohanne Przemisliensi et Mathia Camyenyeczensi Episcopis, nec non magnificis, venerabilibus et generosis Iohanne Amor de Thamow Cracoviensi, Spithkone de Iaroslaw Sandomiriensi, Nicolao de Cuthno Lanciciensi et Capitaneo Maioris Poloniae generali, Iohanne de Opporow Brestensi, Nicolao de Dzyalin Iuniwladislaviensi, Iohanne de Pilcza Russiae generali, Dobeslao de Curosvanky Lublinensi et Nicolao Stadniczsky Belzensi Palatinis, Iohanne de Ostrorogk Poznaniensi, Raphaele de Iaroslaw Sandomiriensi et Regni nostri Marsalco, Andrea de Schamothuli Calissiensi, Nicolao de Curosvanky Siradiensi, Andrea de Thanczin Voyniciensi, Iohanne Rapsthinski

Eintragsabschnitt 9 , Seite/Karte in der Quelle: 194

de eadem Thanczin Visliciensi, Andrea de Oleschnicza Sandeczensi, Stanislao de Schidlowyecz Radomiensi et Ambrosio Pampowski Rosperiensi Castellanis, Iohanne de Ludbrancz Decretorum Doctore, Bernardo de eadem Ludbrancz, Iohanne Borzimowski Zuppario nostro, Canonicis Cracoviensibus, Valentino de Ilkusch et Iohanne de Vissoka Magistris Artium et Decretorum Doctoribus, Collegii Iuris„tarum Collegiatis, Nicolao Rosumberski Notario nostro, Iacobo Syekliczski curiensi, et aliis quam pluribus fide dignis testibus. Datum per manus venerabilis Gregorii de Ludbrancz Skarbimiriensis et Sancti Floriani in Cleparzs Praepositi, Regni nostri Vicecancellarii sincere nobis dilecti.“

Eintragsabschnitt 10 , Seite/Karte in der Quelle: 194

Nos vero Fredericus Dei gratia electus ecclesiae Cracoviensis confirmatus memoratus, dictorum dominorum Valentini de Ilkusch, Andreae de Labischin et Iohannis de Thulcze executorum praedictorum tam pia et tam devota desideria favorabiliter prosequi cupientes, ne tamen alicui per horum praecipitationem irrogare videremur praeiudicium in hac parte, literas citationum in vim Cridae more patriae, in eadem ecclesia parochiali Sanctae Annae et aliis locis in Cracovia, contra omnes et singulos occasione praemissorum sua quomodolibet interesse putantes et quos praesens tangit negotium seu quoquomodo tangere poterit in futurum, per Vicarium nostrum in spiritualibus Cracoviensem generalem emissas, rite et legitime exequendas perprius duximus, iussimusque et fecimus praemittendas. In quarum termino nullo penitus, veluti ex nota decreti et remissionis pro consummatione horum per nos fienda desuper per ipsum Vicarium nostrum ad nos factis et a tergo Cridae eiusdem contentis, liquide patuit et constabat, contradicente aut impugnante, instantibus praefatis executoribus, in contumaciam omnium citatorum non comparentium, nec aliquid in contrarium facientium, eisdemque, prout merito fuerat, per dictum Vicarium in spiritualibus nostrum contumacibus pronuntiatis, donationem et venditionem seu emptionem dictorum censuum quatuordecim marcarum pro praescripto altari, ut praemittitur, factas admisimus, et altare huiusmodi ad laudem et gloriam omnipotentis Dei et beatissimae Virginis Mariae, Sanctorumque Mathiae, Floriani, Fabiani, Sebestiani, Cosmae, Damiani, Decem millia Martyrum, Valentini et Dorotheae, sub titulo tamen et vocabulo speciali Sancti Donati ereximus et fundavimus, per altaristam pro tempore existentem dirigendum et gubernandum, censusque memoratos quatuordecim marcarum pro ipso altari et eius altarista, quamdiu reempti non fuerint, incorporavimus, nec non literas venditionis praeinsertas ac donationem et assignationem, omnia et singula tam in venditionis huiusmodi censuum, quam etiam in dotationis et fundationis literis praescriptis contenta approbavimus, ratificavimus, confirmavimus et recepimus in robur perpetuae firmitatis, in Dei nomine per praesentes decernentes, dictum censum quatuordecim marcarum quamdiu reemptus non fuerit, deinceps ecclesiasticae subiacere libertati, quodque sors ecclesiastica censeatur et pro eorundem solutione et recuperatione nonnisi ad iudicem spiritualem recursus habeatur. Verum quia beneficium datur propter officium, utque memoratus Magister Mathias de Cobilino Sacrae Theologiae Professor, de cuius bonis et voluntate census ipsius altaris empti sunt et comparati, fructus speratos suae donationis consequi mereatur: statuimus et ordinamus, quatenus iuxta efficaciam literarum praeinsertarum executorum praedictorum, primum ipse Magister Mathias modernus altaris istius novae erectionis altarista, et alter pro secunda vice praesentandus, duas missas duntaxat singulis septimanis circa

Eintragsabschnitt 11 , Seite/Karte in der Quelle: 195

idem altare Sancti Donati, unam videlicet de sancta Cruce et alteram pro defunctis alias pro sacerdote, quoad vixerint, per se vel alium idoneum praesbyterum legant et compleant, caeteri autem per Collegiatos infrascriptos altaristae praesentandi etiam dictas duas missas et unam lectionem in die in Philosophia vel in Artibus, quam duxerint assumendam, legant similiter et expleant, actusque ordinarios diebus sabbativis in ordine suo visitent; in quo conscientias ipsorum oneramus: qui quidem extunc praesentandi debebunt esse Magistri in Artibus et Collegio minori Artistarum incorporati. Ius quoque patronatus et praesentandi dicti altaris ipsis executoribus et eorum cuilibet duntaxat pro duabus vicibus, hac ipsius Magistri Mathiae de Cobilino praesentatione inclusa et computata, perpetuis vero temporibus dominis Praeposito domus, Doctoribus et Magistris Maioris Collegii Artistarum Universitatis studii Cracoviensis ascribimus et perpetuo ad eos pertinere decernimus: qui Praepositus, Doctores et Magistri domus praefatae Collegiati totiens, quotiens ipsum altare vacare extunc contigerit, personas idoneas domino loci ordinario Cracoviensi instituendas praesentabunt temporibus perpetuo duraturis. In cuius rei testimonium praesentes nostras erectionis et incorporationis literas scribi mandavimus, nostrique sigilli iussimus et fecimus appensione communiri. Actum et datum Cracoviae in Curia nostra episcopali, die vicesima mensis Septembris, Anno Domini Millesimo Quadringentesimo nonagesimo secundo, Indictione decima, Pontificatus sanctissimi in Christo patris et domini nostri, domini Alexandri divina providentia Papae sexti anno primo, hora Vesperorum vel quasi. Praesentibus venerabilibus et honorabilibus viris Iohanne de Baruchow Decretorum Doctore, Archidiacono, Petro Vapowski Canonico Cracoviensi, Sigismundo de Thargoviska similiter Decretorum Doctore, Cancellario Canonico Przemisliensi, Andrea de Lublin in Przemankow, Luca de Sandomiria in Iodlova, Paulo de Costen in Nyepolomicze, Iohanne de Land in Gnoyno, Iohanne de Gorzicze in Syevyor plebanis, capellanis et notariis Curiae nostrae, et aliis multis testibus circa praemissa.

Bemerkungen zum Eintragsabschnitt:
(Ex archetypo membranaceo, cum sigillo cereo rubro, funiculo ex filis sericis coloris rosei contexto, appenso. Sigillum eiusdem typi ac sub Nr. CCLXXXVI. — Nr. Archiv. Univ. 386.)
(In dorso adnotatum: quod census ipse A. 1512 die 18 Maii, ad bona Olschini, Olpini, Szyrzyny et Swyaczyany Nicolai Jordan translatus sit.)