Full view of a note about event related to education stage and academic degree

Note fragment 1 , Page/tab number in the source: 28

123. Die Iovis xiiij Decembris. Recognicio cum obligacione. Honesta Margaretha Mystrzowa de Cracouia personaliter aput acta et in presencia dni rectoris constituta, non compulsa, non coacta, nec aliquo dolo circumventa, sed de sua mera et bona voluntate suorumque amicorum freta consilio, recepit pro necessitate vrgenti xij marcas communis pecunie, quadraginta octo grossos in quamlibet computando, ab Honorabili dno Alberto de Nagorne Kolo, baccalario in decretis, in quibus domum suam, nemini obnoxiam, iacentem in posteriorj parte ecclesie s. Trinitatis in Cracouia, inter Gregorium ex vna et Stano Rothkysar, partibus ex altera, obligauit et vendidit sub modo reempcionis vere. Racione quarum duodecim marcarum presentibus dicto Alberto in dicta domo et area possessionem assignauit, donauit et resignauit sibi cameram, quam voluerit, aut illi vel illis, cui vel quibus ipse dnus Albertus, in vita vel in morte, legauerit; debebitque dicta dna Margaretha, aut sui successores, omnia onera domus portare et tolerare, seclusitque et alienauit a domo predicta et ab impeticione dicti dni Alberti omnes suos successores et propinquos suos, si qui sunt, tam diu, quousque dicta dna Mistrzowa aut sui successores prefato dno Alberto aut suis successoribus prenominatas duodecim marcas soluerit sev soluerint, extunc solucione facta possessionem predicte domus restituat aut restituant. Et pro meliori cautela et subsistenda ipsa dna Mystrzowa tenebitur, si necesse fiat, hanc obligacionem vel sibi similem ad acta scabinorum vel dnorum consulum duitatis Cracouiensis introducere et inscribere, sub pena excommunicacionis, per dnum rectorem existentem pro tempore ferenda. Presentibus ibidem Mathia, sapiencia, Mathia de Tharnow, studente, Bartholomeo de Cobilyno.