Blick im Eintrag über Bildung/Akademichen Graden

Eintragsabschnitt 1 , Seite/Karte in der Quelle: 120

Constituciones sive conclusiones in rectoratu venerabilis domini Ioannis de Ossvia(n)czym, sacre theologie professoris, canonici Cracoviensis, commutacione hiemali anno Domini 1513, indictione prima, pontificatus sanctissimi in Christo patris et domini nostri domini [Iulii pape Secundi], anno decimo.

Eintragsabschnitt 2 , Seite/Karte in der Quelle: 120

171 . Die Saturni quinta mensis februarii, in duobus punctis gravibus Universitatis incommodum urgentibus, in plenaria convocacione, sub tali tenore verborum facta: Egregie domine doctor et magister reverende. Sitis hodie in medio vigesime hore in stuba communi Collegii artistarum ad consulendum super certis et arduis negociis bonum Universitatis concernentibus atque ita super eisdem tractandum et determinandum concludendumque tempestive, ne ullam Universitas labem neglectu perciperet, sub pena prestiti iuramenti ac duorum florenorum irremissibiliter persolvendorum. Detur omnibus dominis doctoribus et magistris duntaxat salariatis, ex parte rectoris.
Duo puncta proposita sunt: primum, quod faciendum est ulterius in casu, quo executoriales per dominum Nyesszkovitam palam publicate sunt, in valvis ecclesie extense, qui post publicacionem cum protestacionibus contra renitentes in Urbem rediit{{1}}.
Secundum cum publico rumore dicitur, quod reverendissimus dominus episcopus cum capitulo suo daturus sit excommunicacionem contra omnes non contribuentes contribucionem anni preteriti et presertim ecclesie maioris et collegiate sancti Floriani canonicos, licet pretendere dicatur, quod alios omnes collegiatos ea in re nolit conturbare: quid faciendum sit? dandane est contribucio contra graciam per sinodum provincialem Universitati datam{{2}}, an non?

Bemerkungen zum Eintragsabschnitt:
{{1}} Przeciwko Janowi Nieszkowicie, proboszczowi w Myślenicach, bawiącemu podtenczas w Rzymie, wydane były na prośbę Uniwersytetu przez Zygmunta Starego dwa mandaty: jeden z 30 XII 1511 r., potępiający jego staranie w kurji o uzyskanie prebendy uniwersyteckiej »nowych praw«, drugi
ogólny z 1 I 1512 r., wydany przeciw nieobecnym profesorom (//Cod. dipl.// IV nr 325 i 326).
{{2}} Synod, zebrany w Kole na św. Wawrzyńca 1509 r., pod prezydencją arcybiskupa gnieźnieńskiego Andrzeja Róży Boryszowskiego, byłego ucznia i magistra Uniwersytetu (z 1458 r.), zwolnił Akademję na prośbę dwu wysłańców kapituły krakowskiej, a zarazem profesorów Uniwersytetu: Jakóba z Ercieszowa i Andrzeja Gorrę, od wszelkich opłat i taks, nakładanych na duchowieństwo, który to przywilej zatwierdził biskup krakowski Jan Konarski 22 X t. r. (// Cod. dipl.// IV nr 321).

Eintragsabschnitt 3 , Seite/Karte in der Quelle: 121

Ubi super articulo primo unanimi voto conclusum est, quod nec vult, neque licet, ut se peramplius Universitas ingerat de eadem collegiatura semel data secundum condicionem statutorum et privilegiorum. Ille, qui ius suum tueri neglexit, videat et vigilet, ut si poterit, recuperet neglecta.
Super articulo vero secundo matura satis deliberacione, fere voto eque unanimi conclusum est, quod non licet tantam libertatis graciam per sinodum provincialem sponte Universitati concessam et litteris reverendissimi domini episcopi Cracoviensis approbatam, tandem Sedi apostolice publicatam per supplicacionem et roboratam, aliqua racione pretermittere. Sed cum certus sit comminacionis de excomunicacione ferenda rumor, appellandum esse a rumore nunc et in presencia domini episcopi iterandum. Ubi decreti sunt certi viri, ut Universitatis procuratore accepto, ipsam appellacionem interponerent, videlicet dominus doctor Stanislaus Byel de Nova Civitate et dominus doctor Nicolaus de Coprzywnycza, lector ordinarius iuris canonici, magister Nicolaus Mikosch de Cracovia et magister Felix de Lasski et ut ipsa appellacio interposita et insinuata Universitatis nomine prosequeretur. Unde completa convocacione ibidem in stuba Communi coram notario domini rectoris et testibus procurator Universitatis nomine appellavit a rumore et cum dictis dominis deputatis idem procurator cum notario et testibus coram domino pontifice appellacionem interpositurus, admissus non est. Timentes, ne id ipsum altera die contingeret, me rectorem rogatu ad comitandum petiverunt. Unde prece victus, ivi, introivi et appellacionem fieri per procuratorem procuravi, premissa peticione ad suam paternitatem, ne molestam ullam indignacionem inde conciperet, et facta appellacione discessimus.
In eadem convocacione plena auctoritas domino rectori cum his viris commissa est, videlicet doctoribus: Stanislao Byel de Nova Civitate, Bernardo de Biscupie, Ioanne de Lesznicza, Michaele Parisiensi, Andrea Gorra, Nicolao de Coprzywnicza, Leonardo de Cracovia, Martino Belza de Cracovia, Ioanne de Ostrzeszko ac magistris: Nicolao Mikosz, Alberto de Piotrkow. Michaele Olsznar, Felice de Laski ad tractandum et diffiniendum secrecius, ubi domino rectori expedire magis videbitur de missione nuncii in Urbem et aliis, que ad debitam cause institutionem forent magis opportuna.