Blick im Eintrag über Bildung/Akademichen Graden

Eintragsabschnitt 1 , Seite/Karte in der Quelle: 445

526. Anno a Nativitate Christi 1588, die Lunae, quae fuit dies{{a}} iunii, in hypocausto Collegii maioris ad petitionem doctorum et magistrorum Universitati faventium facta est conventio totius Universitatis doctorum et magistrorum omnium facultatum et professorum, tali verborum serie: Reverende et excellens domine doctor et magistri venerabilis. Adsit dominatio tua hodie in hypocausto Collegii minoris hora 18, dum signum campana dabitur, ad videndos intercessores Serenissimae Reginae Poloniae Jagielloniae, simul quoque ad evidendum petitionem venerabilis magistri Ioannis Wolbromii, collegae minoris, itidem ad eligendum notarium Universitatis et rectoris Cracoviensis ac ad deliberandum et finaliter concludendum de scholis privatis seu coloniis instituendis, ad aliaque omnia, quae per dominum rectorem [proponentur] concludenda, sub poena non contradicendi et prout diligitis Universitatis [bonum].

Bemerkungen zum Eintragsabschnitt:
{{a}} Data dnia niewpisana w rkpsis.

Eintragsabschnitt 2 , Seite/Karte in der Quelle: 446

De tertio vero convocationis articulo ad deliberandum proposito de scholis seu coloniis novis instituendis, in quibus usus artium ingenuarum exercitatione quoque (sine qua nihil praeclarum effici potest) adhibita edoceretur et ut professores publici discipulorum probatorum continua disciplina a publicis lectionibus non avocarentur, tum ut institutum iam et conclusum de scholis parandis finem suum consequeretur, ferulandique et negligentiae iam sublata occasione omnium Universitas magis elucesceret, omnium doctorum et magistrorum suffragiis, nullo repugnante, quin potius omnibus postulantibus, innitendo priori conclusioni Universitatis (quae nescitur cuius causa finem suum non est consecuta) anno 1586 conclusum est {{1}}, ut scholae instituantur privatae et in ordinem scholares pro cuiusque aetate et ingenio in certas colonias distribuantur, quod quidem negotium agendi, distribuendi, collocandi magnifico rectori totius Universitatis decreto datum et concessum est. Qui quidem omni semota mora, summa cum sedulitate adhibitis et accersitis privatis scholarum votis et collegiorum, contubernionum quoque praeceptoribus revisisque ipsemet scholaribus novas et privatas studiorum colonias e consensu omnium in contubernio Hierusalem, loco omnium iudicio aptissimo (cum aliae domus Universitatis propter locatores suos non vacabant) instituit, ipsisque prius visis et de nomine in cathalogum conscriptis, mox iuxta colonias distributis ex iudicio praeceptorum, mandato ad aedes divae Annae [ad] socios Universitatis totius et scholarum urbis promulgato, Spiritui Sancto missa ibidem solenniter peracta, in contubernium Jerusalem cum omnibus studiosis et scholaribus, praeeuntibus cum sceptris bedellis, veniens, luculentissima sua oratione iuventutem ad bonas artes colendas, virtutem amplectendam et mores honestissimos conservandos, amandos praeceptores cohortatus, singulisque coloniis datis praeceptoribus, ad coloniam Grammaticorum venerabiles viros ma-

Bemerkungen zum Eintragsabschnitt:
{{1}} Por. wyżej zap. nr 510.

Eintragsabschnitt 3 , Seite/Karte in der Quelle: 447

-gistros Joannem Wislicium, Joannem Zaborovium et Sztezicium {{1}} demandavit, ad Loicos quoque venerabilem magistrum Rochum Poznaniensem et magistrum Andream {{a}} Schoneum Glogoviensem, Retoribus vero venerabiles magistros Valentinum Fontanum et Sebastianum Pilznensem Petricium assignavit, quos putabat cum propter privatam discipulorum copiam et eorum favores, diligentiam in docendo et eruditionem singulorum esse aptissimos, quibus etiam iuventuti commendatis, diligenter in locum cuique assignatum introductis ibidemque munus docendi, invocato iterum Divino auxilio, pro horis suis deputatis exequentibus eos reliquit, suum tandem testando in Academiam amorem et fidem, ipsemet, quamvis aliis distentus negotiis, coloniis interesse solebat, omnem movens lapidem, ut institutum opus rei litterariae valde utile et honorificum et celebre eius conatibus ad effectum deduceretur et socordiae et negligentiae concepta opinio penitus tolleretur, quod Dei munere praestitit numerumque quingentorum et 30 scholarium in cathalogo descriptorum in colonias deduxit, distribuit et in ordinem collocavit, quod ut diutius perduret, reliquis conandum fuerit {{2}}.

Bemerkungen zum Eintragsabschnitt:
{{a}}Joannem błędnie w rkpsie.
{{1}} Adam Romer ze Stężycy.
{{2}} Drukowane w cytowanej Książce pam. gimn. św. Anny.